Herbalife Nutrition Qlobal Onlayn Məxfilik Siyasəti

Son Dəfə Düzəliş Edilib: 30 İyun 2020

Bu Herbalife Nutrition Məxfilik Siyasəti (“Siyasət”), Herbalife International of America, Inc. və onun bu Siyasətə bağlı olan və etibar edən törəmə şirkəti və dünya üzrə ortaq qurumlarına şamil olunur. Bu, Məxfilik Siyasətinin dərc edildiyi yerdə onlayn vasitələr və mobil tətbiqlər ("Saytlar") yolu ilə Herbalife tərəfindən toplanan bütün məlumatlara aiddir. Bəzi Herbalife Nutrition veb-saytları həmçinin lokal tələblərə cavab vermək üçün əlavə məlumat və açıqlamalar ehtiva edən ərazi üçün spesifik onlayn məxfilik bildirişləri ilə əlaqələndirilir. O, həmçinin Herbalife Nutrition-ın oflayn üsullar ilə topladığı məlumatlara şamil olunur. Əksi müəyyən edilmədiyi təqdirdə, bu Siyasət Herbalife Nutrition tərəfindən paylaşılmayana və saxlanmayana qədər Herbalife Nutrition Müstəqil Distribyutorunun ("Distribyutor" və ya "Herbalife Distribyutoru") toplaması və ya Distribyutorun birbaşa sizdən və ya Herbalife Nutrition-dan başqa mənbələrdən əldə etdiyi məlumatların istifadəsinə tətbiq olunmur.

Bu Məxfilik Siyasətinin məqsədi toplayacağımız məlumatların növləri, bu cür məlumatların necə istifadə oluna biləcəyi, bu cür məlumatların kiminlə paylaşıla biləcəyi, bu məlumatların toplanması, istifadəsi və paylanması ilə bağlı seçimləriniz, bu cür məlumata daxil olmaq və düzəliş etmək imkanınız və bu məlumatı qorumaq üçün istifadə etdiyimiz təhlükəsizlik prosedurları barədə sizi məlumatlandırmaqdır.

1. Herbalife Nutrition hansı məlumatları toplayır?

Herbalife Nutrition şəxsi məlumatların toplanmasını birbaşa və ya adımızdan çıxış edən üçüncü tərəflər vasitəsilə toplamaməqsədlərinə uyğun olanlarla məhdudlaşdırır və biz şəxsi məlumatları onların toplanmasını tənzimləyən yurisdiksiyaya uyğun olaraq hər zaman qanuni və ədalətli vasitələrdən istifadə edərək toplayırıq.

Bizə Birbaşa Təqdim Etdiyiniz Məlumat

Fərqli hallarda, Herbalife Nutrition-a birbaşa məlumat təqdim edə bilərsiniz, məsələn, ad və soyadınız, poçt ünvanı, telefon nömrəsi, e-poçt ünvanı, kredit kartı məlumatı, bank məlumatları və bioqrafik məlumatlar (doğum tarixi və ailə vəziyyəti daxil olmaqla, lakin bunlarla məhdudlaşmayaraq). Məsələn, Saytlardan istifadə etdiyiniz və ya Herbalife Distribyutoru, yaxud Herbalife Seçilmiş Üzvü (“Seçilmiş Üzv”) olduğunuz zaman bizə məlumat təqdim edə bilərsiniz. Əgər tələb olunan məlumatı bizə təqdim etməsəniz, bəzi hallarda, sizi istədiyiniz xidmət ilə təmin edə bilməyəcəyik.

Əgər siz başqa bir şəxs haqqında hər hansısa bir məlumatı bizə açıqlasanız, sizdən belə məlumatı bizə açıqlamaq üçün həmin şəxsin müvafiq razılığını təmin etmək tələb olunur.

Cihazınız və Saytlardan İstifadəniz Haqqında Məlumat

Biz İnternet protokolu (IP) ünvanları, brauzer növü, İnternet xidməti təminatçısı (ISP), yönləndirici/çıxış səhifələri, əməliyyat sistemi, tarix/vaxt möhürləri, Sayt fəaliyyətiniz (baxdığınız Sayt məzmunu, siçan hərəkətləri, siçan klikləri, toxunuşlar, sürüşdürmə və gördüyünüz məlumat ilə yanaşı) və/yaxud tendensiyaları təhlil etmək, Saytları idarə etmək, Saytların funksiyası və məzmununu təkmilləşdirmək və Şərtlərimizi tətbiq etmək kimi məqsədlər üçün kliklər haqqında məlumatları avtomatik toplayırıq. Aşağıda kukilər bölməsində izah edildiyi kimi bu məlumatları toplamaq üçün kukilər, veb mayaklar, sessiya təkrarları/ekran çəkilişi və analoq texnologiyalar kimi standart İnternet texnologiyalarından istifadə edirik.

Biz həmçinin mobil cihazınızın GPS koordinatları, mobil əlaqə qülləsi haqqında məlumat və/yaxud WiFi siqnalları kimi yeriniz haqqında dəqiq məlumat toplaya bilərik. Herbalife Nutrition Saytlardan, Qidalanma Klubları və ya digər Herbalife Nutrition məhsulları və xidmətlərindən istifadəniz ilə əlaqədar təcrübənizi fərdiləşdirmək üçün bu məlumatdan istifadə edə bilər. Əgər Herbalife Nutrition-ın spesifik geolokasiya məlumatlarınızı toplamasını və istifadə etməsini istəmirsinizsə, cihazınızda məkan xüsusiyyətlərini qeyri-aktiv edə bilərsiniz. Bunu etmək üçün cihaz istehsalçınızın parametrlərini nəzərdən keçirin.

Üçüncü Tərəf Mənbələrindən Məlumat

Biz ictimai və ticari mənbələrdən və digər üçüncü tərəflərdən haqqınızda əlavə məlumat ala bilərik. Distribyutorlar həmçinin haqqınızdakı məlumatları Herbalife Nutrition ilə paylaşa bilər. Saytlar vasitəsilə Facebook, Google və ya Twitter kimi üçüncü tərəf xidmətlərinə daxil olsanız, Saytlara daxil olmaq və ya Saytlarda təcrübəniz barədə məlumatları digərləri ilə paylaşmaq üçün bu üçüncü tərəf xidmətlərindən məlumat toplaya bilərik. Həm onlayn, həm də oflayn olaraq haqqınızda topladığımız və aldığımız məlumatların hamısını birləşdirə və onları bu Məxfilik Siyasətində göstərilən şəkildə istifadə edə və ya açıqlaya bilərik.

Distribyutorlara təqdim etməyi seçdiyiniz məlumatlardan asılı olaraq, onlardan haqqınızda şəxsi məlumatların aşağıdakı növlərini ala bilərik: ad, əlaqə məlumatı, ödəniş məlumatı və sağlamlıq haqqında məlumat (boy, çəki, BMI (Bədən Kütləsi İndeksi) daxil olmaqla, lakin bunlarla məhdudlaşmayaraq).

2. Herbalife Nutrition Məlumatımdan necə istifadə edir?

Haqqınızda topladığımız məlumatları tələb etdiyiniz məhsul, xidmət və dəstək ilə təmin etmək; əməliyyatlarınızı emal etmək və sifarişlərinizi göndərmək; hesab və ya əməliyyatlarınız, siyasətlərimizə dəyişikliklər və digər inzibati məsələlər, yaxud suallarınız və şərhləriniz barədə sizinlə əlaqə qurmaq; aksiya məlumatları, müvafiq məzmun, sorğular, anket və digər materiallarla təmin etmək üçün maraqlarınızı daha yaxşı başa düşmək; məhsullarımızı, xidmətlərimizi və əməliyyatlarımızı təkmilləşdirmək; və şirkət siyasətlərimizə, qaydalara və qanuna əməl edilməsini təmin etmək daxil olmaqla, müxtəlif məqsədlər üçün istifadə edirik, çünki bunun özümüzün və başqalarının qanuni hüquqları, məxfiliyi, təhlükəsizliyi və ya əmlakını qorumaq, tətbiq etmək və ya müdafiə etmək üçün zəruri olduğuna inanırıq. Biz həmçinin bu məlumatı Herbalife Distribyutorları tərəfindən edilən satışları təsdiqləmək, Herbalife Distribyutorların sistemlərimizdəki müştərilərin axtarışına, əlaqə qurmasına və təsdiqləməsinə kömək etmək və Herbalife Nutrition-ın əməletmə məqsədləri üçün istifadə edirik. Herbalife Nutrition və ya onun səlahiyyətli üçüncü tərəfləri aşağıdakı qeyd edilən müxtəlif əlaqə üsullarından istifadə edərək bu məqsədlər üçün sizinlə birbaşa əlaqə saxlaya bilər.

Herbalife Nutrition həmçinin bu məlumatlardan, Seçilmiş Üzvlüklər və Distribyutorların fəaliyyətini dəstəkləmək və Herbalife Satış və Marketinq Planının müvafiq şəkildə işləməsini təmin etmək üçün istifadə edə bilər. Məsələn, Seçilən Üzvlər haqqında məlumat məhsul endiriminizi dəstəkləmək, hesablamaq və izləmək və sizi xüsusi aksiyalarla bağlı məlumat ilə təmin etmək üçün istifadə edilə bilər. Herbalife Distribyutorları haqqında məlumatlar endirimləri, qazanc və bonusları dəstəkləmək, hesablamaq və izləmək, vergi orqanlarına ödəmələr etmək və gəlirlər haqqında hesabat vermək, təlim keçmək və Distribyutorun Müraciət və Müqaviləsi daxil olmaqla, tətbiq edilən qanuna və şirkət siyasətlərinə, planlar və müqavilələrə əməl edilməsini təmin etmək üçün istifadə edilə bilər.

Məlumatlarınızı sizə xidmətlər göstərmək; Satış və Marketinq Planının düzgün işləməsini təmin etmək kimi digər qanuni biznes ehtiyaclarını yerinə yetirmək; əməletmə ilə bağlı və hüquqi öhdəliklərimizi yerinə yetirmək; və mübahisələri həll etmək və Distribyutor Müqavilələri də daxil olmaqla müqavilələrimizi tətbiq etmək üçün lazım olan müddət ərzində məlumatlarınızı saxlaya bilərik.

3. Herbalife Nutrition Məlumatlarımı Kimlərlə Paylaşır?

Ortaqlar və Tərəfdaşlar

Yuxarıda 1-ci Bölmədə təsvir olunan hər hansı bir şəxsi məlumatı ortaqlarımız (Herbalife Nutrition-ı idarə edən, onun tərəfindən idarə edilən və ya ümumi nəzarət altında olan şirkətlər), həmçinin seçilmiş tərəfdaşlarımız ilə paylaşa bilərik. Bu qurumların məlumatlarınızdan necə istifadə edə biləcəyinə dair nümunələrə maraqlarınız haqqında təxminlər etmək və sizə xüsusi təkliflər, aksiyalar, reklamlar və digər materiallar təqdim etmək daxildir.

Vendorlar və Xidmət Təminatçıları


Biz, adımızdan işlər icra edən vendorlar və xidmət təminatçıları ilə yuxarıda, 1-ci Bölmədə təsvir edilən hər hansı bir şəxsi məlumatı paylaşa bilərik. Belə işlərə dair misallara sifarişlərin icra edilməsi, paketlərin çatdırılması, e-poçt üzrə inzibati funksiyalar, kredit kartı ödənişlərinin emal edilməsi, müştəri xidmətinin təmin edilməsi və bazar araşdırması daxildir. Vendorlar və xidmət təminatçıları şəxsi məlumatlarınızı Herbalife Nutrition-ın təlimatlarına uyğun olaraq idarə etməlidir və şəxsi məlumatlarınızı hər hansı bir başqa məqsəd üçün istifadə etməkləri və ya açıqlamaqları qadağandır.

Herbalife Müstəqil Distribyutorları

Əgər Herbalife Distribyutoru, Seçilmiş Üzvü və ya Müştərisinizsə, Herbalife Distribyutorunun alt səviyyəsində digər Distribyutorlar və Seçilmiş Üzvlər ilə bağlı məlumat (ad, əlaqə məlumatları, səviyyə və ya dərəcə, həcm və satış statistikası kimi) ehtiva edən Xətti Hesabatın bir hissəsi kimi məhdudiyyət olmadan məlumatlarınızı digər Herbalife Distribyutorları ilə paylaşa bilərik. (Alt səviyyə təşkilatı müəyyən Distribyutorun şəxsən sponsorluq etdiyi bütün Distribyutorlar və Seçilmiş Üzvlər və öz növbəsində sonrakı Distribyutorların sponsorluq etdiyi bütün digər şəxslərdən ibarətdir.) Xətti Hesabatın ABŞ-dan kənar şəxslərə aid məlumatlar ehtiva etməsi ehtimalını nəzərə alaraq, biz müvafiq qanunvericiliyə uyğun olaraq məlumatları qorumaq üçün lazımi tədbirlər görmüşük. Xətti Hesabatlar Distribyutorlara ciddi məxfilik ilə və yalnız Herbalife Nutrition biznes fəaliyyətlərini inkişaf etdirməkdə, o cümlədən marketinq alətləri və platformalarında istifadə etmək üçün Distribyutorları dəstəkləmək məqsədi ilə təqdim olunur.

Biz məhsullar və xidmətlər təklif etmək və təqdim etmək üçün məlumatlarınızı Distribyutorlar ilə paylaşa bilərik və bu Distribyutorlar da öz növbəsində məxfilik siyasətlərində təsvir olunduğu kimi məlumatlarınızı paylaşa bilər. Məsələn, GoHerbalife.com və Çəki İtirməyə Dəvət Saytımız (herbalifewlc.com) kimi bəzi Saytlarımızdan istifadə edirsinizsə, məlumatınız həmin saytlara xidmət göstərən bir və ya daha çox Distribyutor ilə paylaşıla bilər. Oxşar olaraq, əgər Qidalanma Klubunda iştirak edirsinizsə, məlumatınızı Qidalanma Klubunda fəaliyyət göstərən Distribyutorlardan istənilən biri ilə paylaşa bilərik. Biz həmçinin məlumatlarınızı Distribyutorlar ilə paylaşırıq ki, onlar sizin üçün ən uyğun məhsullar və xidmətlərin tövsiyəsi kimi daha fərdiləşdirilmiş təcrübə ilə sizi təmin edə bilsin. Məlumatınızı qəbul edən Herbalife Distribyutorları Distribyutorluq Müqaviləsinin şərtləri və onlarda qeyd edilən məxfilik və məlumatların qorunması müqavilələrinə tabedir. Bu Distribyutorlardan bəziləri öz ölkənizdə mövcud olduğu kimi məxfilik qorumasının eyni və ya oxşar səviyyəsini təklif etməyən ölkələrdə yaşaya bilər.

Əgər Qidalanma Klubu işlədirsinizsə, Klubun yerini Seçilmiş Üzvlər, Müştərilər və digər Herbalife Distribyutorları ilə paylaşa bilərik.

Qanunvericiliyə Riayət üçün Məlumatların Açıqlanması

Məlumatlarınızı məhkəməyə çağırışa, məhkəmə işinə və ya oxşar hüquqi prosesə əməl etmək kimi qanunla tələb olunan hallarda, həmçinin səlahiyyətli üçüncü tərəf auditorlarına, yaxud açıqlamanın hüquqlarımızı qorumaq, sizin və ya başqalarının təhlükəsizliyini qorumaq, saxtakarlığı araşdırmaq və ya qarşısını almaq və ya hökumətin tələbinə cavab vermək üçün zəruri olduğunu hesab etdiyimiz hallarda açıqlaya bilərik.

Biznesin Ötürülməsi

Əgər Herbalife Nutrition birləşmə, satınalma və ya aktivlərin satışı və ya köçürülməsi prosesinə cəlb olunubsa, yaxud iflas ehtimalı olduğu təqdirdə, məlumatlarınızı paylaşa bilərik.

Razılığınıza Əsasən Digər Tərəflər

Bu Məxfilik Siyasətində təsvir edilənlərə əlavə olaraq, biz həmçinin məlumatınızı topladığımız vaxt və ya sizin razılığınıza, yaxud göstərişinizə əsasən açıqladığımız istənilən digər məqsədlər üçün haqqınızdakı məlumatları üçüncü tərəflər ilə paylaşa bilərik.

4. Herbalife Nutrition mənimlə necə əlaqə saxlayacaq?

Herbalife Nutrition istədiyiniz məhsulları və xidmətləri təmin etmək və/yaxud Herbalife biznesiniz (Distribyutorsunuzsa) ilə əlaqədar problemlər ilə bağlı müntəzəm əsaslarda sizinlə e-poçt, poçt məktubu, telefon, mətn mesajı, yaxud digər vasitələrlə əlaqə qura bilər. Müştəri satışlarını yoxlamaq məqsədilə Herbalife Nutrition müntəzəm şəkildə (Müştərisinizsə) e-poçt, poçt məktubu, telefon, mətn mesajı və ya digər vasitələr ilə sizinlə əlaqə saxlaya bilər.

Bundan əlavə, siz yuxarıda təsvir edildiyi kimi müxtəlif kommunikasiya üsulları vasitəsilə Herbalife Nutrition-ın biznes fəaliyyətləri, məhsulları, xidmətləri, xüsusi endirimləri və Herbalife Family Foundation haqqında müntəzəm məlumatlar ala bilərsiniz. Herbalife Distribyutorları və Seçilmiş Üzvlər müəyyən kommunikasiyaları MyHerbalife abunə mərkəzində idarə edə bilər. Bundan əlavə, siz kommunikasiya bölməsində təmin edilən təlimatlara əməl edərək və ya bizimlə 866-866-4744 nömrəsi ilə əlaqə saxlayaraq bu növ kommunikasiyaları idarə edə bilərsiniz.

5. Şəxsi Məlumatlarım Təhlükəsizlikdədir?

Haqqınızda topladığımız şəxsi məlumatların dəqiq, yenilənmiş və təhlükəsiz qalmasını təmin etmək üçün müvafiq tədbirlər görürük. Təəssüf ki, İnternet vasitəsilə verilənlərin ötürülməsinin 100% təhlükəsizliyinə zəmanət vermək mümkün deyil və şəxsi məlumatlarınızı qorumaq üçün əlimizdən gələni etsək də, onun tam təhlükəsizliyinə zəmanət verə bilmərik.

6. Məlumatlarıma Necə Daxil Ola və ya Düzəliş Edə Bilərəm?

Herbalife Nutrition məlumat üzərindəki nəzarətinizə hörmətlə yanaşır. Bəzi hallarda, müəyyən məlumatı təsdiqləmək və yeniləmək üçün Saytlarımızdan biri və ya bir neçəsinə daxil ola bilərsiniz (məsələn, MyHerbalife-da müəyyən Distribyutor və Seçilmiş Üzv hesabı haqqında məlumat). Sorğuya əsasən biz haqqınızda topladığımız məlumatları saxladığımızı, yaxud emal etdiyimizi təsdiqləyəcəyik. Sizin qeyri-dəqiq və ya natamam şəxsi məlumatlara düzəliş etmək və ya yeniləmək, şəxsi məlumatlarınızın silinməsi və ya onlardan daha istifadə etməməyimiz üçün sorğu göndərmək hüququnuz var. Müəyyən şərtlərə əsasən əgər sorğunuz qanunla nəzərdə tutulan öhdəliklərimizə müdaxilə edərsə, hüquqi məsələlərə təsir göstərərsə, kimliyinizi təsdiqləyə bilməzsək və ya qeyri-mütənasib xərc və ya səy tələb edərsə, sorğunuzu yerinə yetirə bilməyəcəyik, lakin istənilən təqdirdə, müəyyən vaxt çərçivəsində sorğunuzu cavablandıracaq və sizə izahat təqdim edəcəyik. Adətən sorğuları 30 gün ərzində cavablandırırıq. Şəxsi məlumatlar haqqında sorğular etmək üçün lütfən, aşağıda təqdim edilən məlumatdan istifadə edərək bizimlə onlayn və ya oflayn əlaqə saxlayın.

7. Beynəlxalq Köçürmələr.

Saytların qərargah yeri Amerika Birləşmiş Ştatlarındadır. Nəzərə alın ki, bizə təqdim etdiyiniz və ya Saytlardan istifadəniz nəticəsində əldə etdiyimiz məlumat ölkənizdə toplana, daha sonra isə müvafiq qanunvericiliyə əsasən başqa ölkəyə köçürülə bilər. Bu Siyasətdə müəyyən edildiyi kimi Saytlardan istifadə, məlumatların emalına razılığınızı nümayiş etdirir.

8. Uşaqların Məlumatları.

Saytlar yaşı 13-dən az olan uşaqlar üçün nəzərdə tutulmayan, ümumi auditoriya hədəfli veb-saytlardır. Biz qanunla icazə verilmədiyi təqdirdə, yaşı 13-dən az olan uşaqlardan heç bir şəxsi məlumatı bilərəkdən toplamırıq, istifadə etmir və ya yayımlamırıq. Əgər Saytlarda uşağınızdan şəxsi məlumatlar toplamış ola biləcəyimizi hesab edirsinizsə, lütfən, privacy@herbalife.com ünvanında bizimlə əlaqə saxlayın, qanunla tələb edildiyi zaman bu məlumatları qeydiyyatımızdan silmək üçün müvafiq səylər göstərəcəyik.

9. Kukilər və İzləmə.

Saytlarımızda məzmun və digər funksionallıq təqdim edən Herbalife Nutrition, o cümlədən müəyyən üçüncü tərəflər kukilər, veb-mayaklar, sessiya təkrarları/ekran çəkilişi və digər analoq texnologiyalardan tendensiyaları təhlil etmək, veb-saytı idarə etmək, istifadəçilərin Saytlarda hərəkətlərini izləmək və ümumilikdə istifadəçi bazası haqqında demoqrafik məlumat toplamaq kimi müxtəlif məqsədlər üçün istifadə edir.

Kukilər kompüterin sərt disklərində saxlanan məlumatın kiçik hissələridir. Kuki, cihazınıza kuki yerləşdirmiş təşkilatın müxtəlif veb-saytlar, xidmətlər, cihazlar və baxış sessiyalarında onu tanımasına imkan yaradır. Məsələn, sizi daha yaxşı istifadəçi təcrübəsi ilə təmin etmək məqsədilə Saytlara qayıtdığınız zaman, sizi tanımaq üçün kukilərdən istifadə edə bilərik. Üçüncü tərəflərin Saytlarda kukilərdən istifadə etməsinə icazə verə bilərik, lakin biz üçüncü tərəf kukilərinin istifadəsi və ya məzmununa nəzarət etmirik. Veb brauzerlər adətən brauzeri bütün kukiləri qəbul etməyə, bütün kukiləri rədd etməyə və ya kuki göndəriləndə sizi məlumatlandırmağa konfiqurasiya etməyinizə imkan verir. Kukiləri rədd etməyi seçmisinizsə, nəzərə alın ki, Saytların xüsusiyyətləri və funksiyalarından tam faydalanmaya bilərsiniz. Kukilər və onları necə idarə etmək haqqında ətraflı öyrənmək üçün lütfən, https://www.allaboutcookies.org/. ünvanına daxil olun.

Veb mayaklar və oxşar texnologiyalar veb-səhifələrdə, reklamlarda və e-poçtlarda yerləşdirilən və üçüncü tərəflər ilə əlaqə quran kiçik kod hissələridir. Biz veb mayaklardan kukilər təmin etmək və əlaqə qurmaq və istifadə modellərini başa düşmək, müəyyən veb-səhifəyə daxil olmuş istifadəçilərin sayını hesablamaq üçün istifadə edirik. Biz həmçinin mesajların açıldığını, onlarla bağlı tədbir görüldüyünü və ya yönləndirildiyini başa düşmək üçün e-poçtlara veb mayaklar daxil edə bilərik.

Burada həmçinin yuxarıda müzakirə edilən kukilərə oxşar fəaliyyət göstərən Lokal Paylaşılmış Obyektlər (həmçinin “Fləş kukilər” adlandırılır), HTML5 lokal yaddaşı və daxil edilmiş skriptlər kimi digər lokal yaddaş və internet texnologiyaları mövcuddur. Nəzərə alın ki, bu texnologiyalar kukilərdən fərqlidir və siz standart brauzer alətləri və parametrlərindən istifadə edərək onlara nəzarət edə bilməzsiniz. Fləş kukilər haqqında məlumat üçün www.adobe.com/privacy.html linkini klikləyin. Adobe analitikası haqqında ətraflı öyrənmək və imtina etmək üçün www.adobe.com/privacy.html linkini klikləyin.

Qidalanma Klubu təcrübəsini təkmilləşdirmək üçün Bluetooth mayak texnologiyasından istifadə edə bilərik. Bluetooth-un aktivləşdirildiyi mobil cihazlar mayak diapazonunda olan zaman siqnal ala bilər. İstifadəçi Bluetooth-u yandırmadığı, Herbalife Nutrition mobil tətbiqini quraşdırmadığı və məlumatlandırıcı bildirişləri aktivləşdirmədiyi təqdirdə, siqnallar qəbul edilməyəcək. Mayak funksionallığı bildirişlər, müştəri qeydiyyatları və ödənişlərə icazə verə bilər. Mayak funksionallığını tətbiqin parametrlərində qeyri-aktiv edə bilərsiniz.

10. İzləmə.

Veb-brauzerlər “İzləmə” sorğuları göndərməyinizə icazə verə bilər. Hazırda biz İzləmə siqnallarına cavab vermək üçün tədbirlər görmürük, çünki veb-saytların bu cür siqnalları aldıqları zaman nə etməli olduqları ilə bağlı sənaye standartı mövcud deyil. Biz yeni texnologiyaları nəzərdən keçirməyə davam edirik və əgər nə vaxtsa bir standart yaradılarsa, onu qəbul edə bilərik.

11. Onlayn Reklam.

Biz veb-saytımızda reklam nümayiş etdirə, məhsullarımız və xidmətlərimiz üçün digər veb-saytlarda reklamları idarə etmək üçün üçüncü tərəflər ilə əməkdaşlıq edə bilərik. Biz həmçinin baxış tarixçənizə əsasən və maraqlarınız, seçimləriniz və xüsusiyyətlərinizə uyğun olaraq Saytlar və başqa onlayn məkanlarda sizə reklamlar təqdim etmək üçün Saytlarımızda və digər saytlarda haqqınızda məlumat toplayan biznes tərəfdaşları, reklam şəbəkələri və digər reklam xidməti təminatçıları daxil olmaqla üçüncü tərəflər ilə əməkdaşlıq edirik. Kukilər və ya digər oxşar texnologiyalar baxış fəaliyyətləri və maraqlarınıza əsasən sizi reklamlar ilə təmin etmək üçün istifadə edilə bilər. Biz üçüncü tərəflərin məxfilik təcrübələrinə görə məsuliyyət daşımırıq və bu üçüncü tərəflərin məlumat təcrübələri bu Siyasətdə əhatə edilməyib.

Bəzi üçüncü tərəflər brauzerlər və cihazlar daxil olmaqla, Saytlarımızda və digər yerlərdə maraqlara əsaslanan reklamlar təmin etmək üçün Saytlarımızın istifadəçiləri haqqında məlumat toplayır. Bu üçüncü tərəflər İnternetdə sizi reklamlar (bizdən və digər şirkətlərdən) ilə təmin etmək məqsədilə maraqlarınız haqqında təxminlər etmək üçün Saytlarımızda topladıqları məlumatdan istifadə edə bilər. Bu üçüncü tərəflərin bəziləri istehlakçıları hədəfli reklamı alıb-almamaq haqqında seçimlər ilə təmin etmək üçün nəzərdə tutulmuş, sənaye tərəfindən təkmiləşdirilmiş proqramlarda iştirak edə bilər. Mobil cihazlarda tətbiqlər və veb-saytlardan istifadə arasındakı fərqlərə görə siz mobil tətbiqlərdə hədəfli reklam texnologiyalarını qeyri-aktiv etmək üçün əlavə tədbirlər görməyiniz lazım ola bilər. Əksər mobil cihazlar mobil tətbiq və ya mobil cihazınızdakı parametrlərdən istifadə edərək, mobil tətbiqlər üçün hədəfli reklamlardan imtina etməyinizə icazə verir. Ətraflı məlumat üçün mobil parametrlərinizi nəzərdən keçirin. Siz həmçinin mobil cihaz və ya tətbiq marketində mövcud olan standart quraşdırma ləğvi prosesindən istifadə edərək tətbiqlərimizin quraşdırmasını ləğv edə bilərsiniz.

Brauzerlər və cihazlarda Rəqəmsal Reklam İttifaqı və ya Şəbəkə Reklamları Təşəbbüsünün imtina proqramlarında iştirak edən şirkətlərin maraq əsaslı reklamlarından imtina etmək üçün lütfən, Şəbəkə Reklamları Təşəbbüsü (//www.networkadvertising.org/choices/) və Rəqəmsal Reklam İttifaqı (//www.aboutads.info/choices/) tərəfindən idarə edilən veb-saytlara daxil olun. Siz həmçinin mobil tətbiq və ya movil cihazınızda parametrlər vasitəsilə maraq əsaslı reklamlardan imtina edə bilərsiniz, lakin imtina seçiminiz yalnız imtina etdiyiniz zaman istifadə etdiyiniz brauzer və ya cihaza tətbiq oluna bilər, ona görə də əgər maraq əsaslı reklamlar üçün bütün çarpaz-cihaz əlaqələrini qeyri-aktiv etmək istəyirsinizsə, brauzerlər və cihazlarınızın hər birində imtina etməlisiniz. Yerli dillər ilə bağlı ətraflı məlumat www.youronlinechoices.com/ ünvanında mövcud ola bilər. Nəzərə alın ki, maraq əsaslı reklamlar üçün sənaye əsaslı imtinadan istifadə etmək istəsəniz belə, siz ümumi reklamlar almağa davam edəcəksiniz və Saytlarımızda təcrübəniz aşağı ola bilər.

12. Onlayn Forumlar.

Saytlar ictimai şəkildə açıq olan icma forumları təklif edə bilər. Bu yerlərdə verdiyiniz hər hansı bir məlumatın açıq olduğu barədə məlumatlı olmalısınız, bu məlumatlar onlara daxil olan digər şəxslər tərəfindən oxuna, toplana və istifadə edilə bilər. Bu forumlardan şəxsi məlumatınızın silinməsi üçün sorğu göndərmək istəyirsinizsə, privacy@herbalife.com. ünvanında bizə e-poçt göndərin. Bəzi hallarda, şəxsi məlumatlarınızı silməyə bilərik.

13. Üçüncü Tərəf Keçidləri.

Saytlarda üçüncü tərəflərin idarə və təmin etdiyi veb-saytlara keçidlər mövcud ola bilər, bu veb-saytlar isə bizim nəzarətimiz altında deyil. Üçüncü tərəf veb-saytlarına təqdim etdiyiniz istənilən məlumat hər bir veb-saytın məxfilik siyasətinin şərtlərinə əsasən tənzimlənir və üçüncü tərəf veb-saytlarının operatorlarına hər hansısa bir məlumatı açıqlamazdan əvvəl bu cür siyasətləri araşdırmağınızı tövsiyə edirik. Üçüncü tərəf veb-saytlarının məzmunu, fəaliyyətləri və ya siyasətləri üçün öhdəlik daşımırıq. Saytlarımızda üçüncü tərəf veb-saytlarına keçidlərinin daxil edilməsi heç bir şəkildə bu veb-saytların məzmunu, fəaliyyətləri və ya siyasətlərini təsdiq etmir.

14. Üçüncü Tərəflərin Funksionallığı.

Saytlarda bəzi funksionallıqları Herbalife ilə əlaqədar olmayan üçüncü tərəflər təmin edə bilər. Bu qurumlar kukilər, veb-mayaklar və analoq texnologiyalardan istifadə vasitəsilə Saytlardan istifadəniz haqqında müəyyən məlumatlar toplaya və ya qəbul edə bilər. Herbalife bu qurumların məxfilik təcrübələrinə görə məsuliyyət daşımır.

Saytlara daxil olmaq və ya Saytlarda təcrübəniz haqqında məlumatı başqaları ilə paylaşmaq üçün Saytlar vasitəsilə Facebook, Google və ya Twitter kimi üçüncü tərəf xidmətlərinə daxil olsanız, bu üçüncü tərəf xidmətləri Saytda fəaliyyətiniz haqqında məlumat daxil olmaqla, haqqınızda məlumat toplaya bilər və onlar öz məxfilik siyasətlərinə əsasən Saytdan istifadəniz haqqında üçüncü tərəf xidmətləri üzrə bağlantılarınızı məlumatlandıra bilər.

15. Bu Siyasətə dəyişikliklər.

Bu Məxfilik Siyasəti son dəfə başlanğıcda qeyd olunan tarixdə yenilənib. Herbalife Nutrition bu Məxfilik Siyasətini istənilən vaxt dəyişdirmək hüququnu özündə saxlayır. Əgər hər hansısa bir əhəmiyyətli dəyişiklikləri etməyi təklif etsək, dəyişiklik qüvvəyə minməzdən əvvəl bu səhifədə bildiriş yolu ilə sizi məlumatlandıracağıq. Saytlardan sonrakı istifadəniz bu cür dəyişikliklərin qəbulu hesab ediləcək. Ən son versiyası ilə tanış olduğunuzdan əmin olmaq üçün bu Məxfilik Siyasətini müntəzəm olaraq nəzərdən keçirin. Bu Məxfilik Siyasətinə edilən dəyişikliklərin dərcindən sonra Saytlardan istifadə etməklə, siz bu cür dəyişikliklər ilə razılaşırsınız.

16. Əgər suallarım varsa, nə etməliyəm?

Herbalife Nutrition məxfilik məsələlərinə ciddi yanaşır. Əgər suallarınız və ya şərhləriniz varsa, bizimlə aşağıdakı ünvanda əlaqə saxlaya bilərsiniz. 800 Vest Olimpik Bulvarı, Suit 406, Los-Anceles, Kaliforniya 90015 (Diqqət: Məxfilik Şöbəsi), privacy@herbalife.com, 866-866-4744.

az-AZ | 24.11.2020 15:56:26 | zus2pwssb00000G | MyHL | 25.11.2020 03:56:26 | 1.20.1111.02